Tralo éxito do ano pasado, acompañados das amigas de The tetas Van, decidimos repetir, esta vez acompañados do Grupo En Mala Hora. Coa organización deste concerto, Guezos pretende despedir o ano ó grande unha vez máis.
Queremos tamén celebrar na nosa cidade e acompañados dos nosos amigos e seguidores, o comezo dunha nova etapa que comeza coa inminente gravación dun videoclip, a gravación de novos temas e coa novidade de poder escoitar a nosa música nas principais plataformas dixitais.
Cóllea anticipada e non quedes sen ela!!
Puntos de venda:
Sala Berlín, Auriense, Peggy Records, Renque, Moucho.

ANTICIPADA: 5 €
BILLETEIRA: 6 €

Portada O Histérico LatexoSi amigos, desde esta mesma semana xa podedes escoitarnos alá onde estedes desde calquera dispositivo con conexión á rede e incluso mercar “O Histérico Latexo” na súa versión dixital a través de Spotify.
E próximamente estará tamén dispoñible en iTunes e GooglePlay.

Vémonos na rede!

O venres 21 de xuño estaremos físicamente na Festa da Arroutada de Xunqueira de Ambía, pero para todos aqueles que non vos poidades achegar poderedes ver parte da actuación a través de www.noiseofffestival.com xa que participaremos no día da música online coma representantes de Ourense a nivel nacional.
Dádelle ao play!


Unha vez máis, abusando da vosa boa vontade, pedímosvos axuda! GUEZOS pode facer realidade tres soños e os tres dentro do mesmo ano, 2013.
Estamos xa no Reperkusión gracias a todos vós e ás vosas votacións, tamén estaremos no Festival Folk da Festa da Fraga de As Pontes. Só nos falta un empurronciño máis para facer o TRIPLETE e estar en Ortigueira.
A forma de colaborar é moi sinxela. Tedes que pinchar na seguinte ligazón, teclear unha sinxela clave e votar GUEZOS. Cada persoa o poderá facer unha vez ao día e só ata o 25 de abril!!

http://www.festivaldeortigueira.com/grupos/runas_interior.php?id=200&lg=gal

Que vos vamos contar do Festival de Ortigueira, coñecido no mundo enteiro e escenario que todos os grandes grupos folk nacionais e internacionais desexan pisar ano tras ano e dende hai uns anos, tamén plataforma para outros grandes grupos non tan coñecidos pero que veñen pegando forte!
O que xa o coñeza que siga disfrutando del e os que que non…
xa sabedes é como a Meca ou San Andrés de Teixido: HAI QUE IR POLO MENOS UNHA VEZ NA VIDA!!
DÍAS 11, 12, 13 E 14 DE XULLO
CONCERTOS DE BALDE, ACAMPADA DE BALDE, XENTE, DIVERSIÓN, MÚSICA POLAS RÚAS E ESE AMBIENTE MÁXICO QUE FAI DE ORTIGUEIRA UN FESTIVAL ÚNICO E IRREPETIBLE

Cartel Reperkusión 2013“O Festival Reperkusión, que se celebra este ano do 10 ao 12 de maio na Cidade dos Muchachos de Bemposta, en Ourense, abriu parte da súa programación á escolla do público. Tratábase de que a través de Facebook os seguidores do festival elixisen tres grupos entre os 39 que se presentaron á convocatoria de artistas. E a resposta foi tan positiva, que o festival decidiu incorporar aos catro grupos máis votados, que conseguiron cada un deles máis de 1.200 votos. Son os ourensáns Guezos, creadores dunha música heteroxénea que parte do folk; os tamén galegos Skarallaos, un grupo de xente moi nova cun directo enérxico que eles chaman “punkizaxe”, os asturianos La Tarrancha, que mesturan ritmos xamaicanos con letras reivindicativas en lingua asturiana, e os barceloneses Rimbarán, responsables dun son divertido que denominan “rimba”. Únense a un festival no que destaca a presenza de Manu Chao e Fermin Muguruza, cabezas de cartel.”

Ir á fonte

Cartel de Guezos no Curral do MarquésPorque NON podemos, NON sabemos e NON queremos parar!
Trala grande despedida de ano en Ourense, cunha Sala Berlín chea de amigas, amigos, familia e novos seguidores, comezamos a explorar novos territorios. Nesta ocasión paramos en Taragoña (Rianxo) no CURRAL DO MARQUÉS, da man de Bea Bugalho.
Polas referencias que temos, lugar con encanto que paga a pena coñecer. Esperamos contar coa xente de Taragoña, Rianxo… e por suposto con todos os que andades espallados por aí adiante: Compos, arredores e todo o Barbanza. Encántanos coñecer novos lugares, novas xentes e non deixar a ninguén indiferente.
Prometemos intensidade,baile, festa, risas e sobre todo música, moita MÚSICA.

Voltamos aos escenarios para rematar o ano Ó GRANDE. Facémolo por primeira vez na Sala Berlín (Ourense) acompañados das espectaculares The Tetas Van. Dous concertos cheos de enerxía, diversión e bo ambiente cun prezo acorde aos malos tempos que corren.

Estamos emocionados, ilusionados e traballando para que sexa unha noite máxica. Contamos con todos vós. Cos que levades tantos anos colaborando, apoiando, asistindo aos concertos e cos que aínda non formades parte desta gran familia.

Aproveita e merca as túas entradas por anticipado, hai 4 puntos de venda repartidos por Ourense.

Vémonos o 28 de decembro (non é unha inocentada).

Para os que aínda non vos enterastes, o día 18 de xaneiro comezou a emisión do programa Enrede, do que xa falaramos neste blog. Podedes ver o trailer na anterior entrada.

Ben, pois este mércores día 25 tócalle o turno a Guezos. Trinta minutos de programa na que poderemos ver unha entrevista á banda e recordaremos o directo gravado no Café Cultural Auriense. Tomade nota: o próximo mércores 25 de xaneiro ás 23:30 h. Guezos en Enrede na TVG2.

Un pequeno adianto.

Ata entón!

Página siguiente »