Con todos vós… Pepiño Malasangre, un pequeno adianto de Zapatos Novos. Aínda que o disco ten temas moi diversos e atrevémonos a dicir que unha carga emocional potente, quixemos facer o videoclip do tema máis cachondo e desenfadado para comezar con alegría esta andaina.
RECORDADE!!
O CONCERTO PRESENTACIÓN terá lugar o sábado 23 de xuño no @CafeCultural Auriense (Ourense)
HORA: 22:30;
PREZO ÚNICO: 5€
XEITO DE CONSEGUIR AS ENTRADAS!!
1. As/Os que xa a pagastes a través dun pack do crowdfunding: entregarávola previamente o compoñente do grupo máis cercano ou, se preferides, o mesmo día haberá «lista de porta» cos vosos nomes.
2. Venda anticipada: se non tedes entrada e non queredes quedar sen ela, poderédeslla mercar previamente ao compoñente do grupo que teñades máis a man ou no Auriense. Estarán á venda tamén alí días antes do concerto
3. Método tradicional: podedes mercala o mesmo día do concerto na mesma porta, iso si, co risco de quedar sen ela, dependendo da resposta da xente.
Autor: Guezos
Xa podes ver a nosa nova camisola
Presentamos en primicia mundial a camisola oficial do novo disco Zapatos Novos, fabricada con algodón orgánico da mellor calidade!!
Queda unha semana para que remate o crowdfunding de Zapatos Novos e precisamos da vosa axuda para poder acadar o obxectivo final. Fáltanos un chisquiño para sacar o proxecto adiante e o tempo non perdoa!!! Temos packs para tódolos gustos e de diversos prezos, desde o básico de 10€ (inclúe o noso discazo Zapatos Novos de recompensa), ata outros paquetes máis completos que inclúen recompensas como esta camisola, pegata para o coche, chapas, entradas para o concerto presentación (23 xuño no Auriense) e mesmo zocas personalizadas.
Calquera aportación será benvida!!
Discalzos polo Festival!
Os días 3 e 4 de agosto vémonos en Cedeira!!!
Os Discalzos naceron dunha xuntanza de grupos de Cedeira para unha homenaxe. Os medios eran escasos: unha carpa, material prestado, grupos con ganas de tocar e moita vontade e ilusión. Pouquiño a pouco foron medrando grazas ao seu tesón e á colaboración da xente e institucións. En moi pouco tempo conseguiron armar un festival e cada vez están máis preto de conseguir o seu obxectivo, afianzarse como un dos festivais importantes de Galicia, cun cartel variado e sen prexuizos musicais.
Este ano, un pasiño máis!
Participa no crowfunding de Zapatos Novos, o noso novo disco!
Xa podes colaborar co novo disco de Guezos!! Pica no enlace e faite mecenas de Zapatos Novos!
Todo o proceso está explicado no enlace. Moitísimas gracias a todos por anticipado!!
Gravamos!!!
A mediados de marzo gravamos!!! Fainos especial ilusión facelo en Estudio A Ponte, con Tomás Ageitos. A masterización correrá a cargo de Dr. Chou, o noso técnico habitual de escenario, amigo, compañeiro de aventuras e creador de solucións imposibles. Farémolo do xeito máis auténtico e natural, tratando de buscar o son máis parecido aos nosos directos.
Imos precisar da vosa colaboración para poder sacar o proxecto adiante, así que estade atentos, porque proximamente explicaremos como podedes ser partícipes.
Esperamos estar á altura!!!