Cun sorriso sempre na boca

Hai momentos que marcan a vida dunha banda. Esta fin de semana vivimos un deses momentos na rodaxe do noso novo videoclip. Cando todo estaba en contra por unhas condicións climatolóxicas extremas nunha zona de moi difícil acceso e certas limitacións no presuposto de produción, déuselle a volta á situación dun xeito case máxico. A implicación do equipo co que traballamos foi máis aló do profesional, ata o punto de emocionar. Cun sorriso sempre na boca todo o mundo deu o mellor de si, desde os actores, que fixeron un esforzo físico e mental que rozou o épico, ata o equipo técnico, pequeno pero rebosante de talento, forza, cariño e profesionalidade. Todo o mundo fixo de todo para sacar isto adiante; o que comezou como unha fin de semana chea de medos e incertidumes, rematou como algo inolvidable onde os lazos se fixeron máis fortes e na que a familia se ampliou. Mil grazas a Aitor V, Lois, Ana, Alberto, Sergio, Emilo por formar parte deste proxecto e xa das nosas vidas. Seguirémonos vendo no camiño!

Xa brilan as Luces do Norte!

Agora é o momento de escoitar e compartir a canción nas vosas plataformas favoritas e ver o vídeo.
👉🏻 Cada visualización ou escoita dende o 29 de febreiro ata o 29 de marzo, significará 10 céntimos que Guezos doará a Pequeños Superhéroes Asociación de Miopatía Miotubular y Centronuclear de nenos con enfermidades raras.

Por suposto, si queres facer unha doazón, tamén o podes facer desde a páxina web da asociación.

Preparados para acender as Luces do Norte

Portada de Luces do Norte

Aquí está a portada deseñada por Roberto Reboiro de “Luces do Norte”, o novo single de Guezos, gravado no Estudio Xílgaro coa colaboración dos rapaces de Nova Fronteira BC, co que apoiaremos á asociación Pequeños Superheroes.
O mecanismo é moi sinxelo; por cada reproducción da canción que fagades en YouTube, Facebook, Spotify ou calquera das plataformas que usedes, Guezos donará 10 céntimos. Canto máis compartades, escoitedes ou visionedes maior será a axuda. Comezamos pronto! Permanecede atentos!