Este sábado subimos á Arca

Este sábado temos unha cita moi especial! Estaremos tocando na nosa querida Arca da Noe nun concerto cheo, cheíño de sorpresas.

A primeira delas vén da man da Fundación SGAE, que apreciou a nosa música para ser unha das bandas seleccionadas na primeira edición de ENFOCO. Esta proposta nos brinda a posiblidade de contar coa colaboración de Xosé Manuel Budiño, que se achegará este sábado á Arca para sumar maxia ás nosas cancións. ¡Non sabedes as ganas que temos de compartir escea!

Tamén nos acompañarán nesta cita as nosas amigas Pauliña e Iseo. Un orgullo para Guezos estar rodeados de tanto talento.

Este 2025 estamos a preparar unha cita moi, moi especial, e non se nos ocorre un mellor preámbulo que este. ¡Ven un concertazo, xente! ¿Ídesvolo perder?

Meirol

👉🏻 Aquí tedes “Meirol” a nosa particular versión en directo de “Danza de Meirol” de Berrogüetto. Esperamos que o gocedes igual que o gozamos nós e que o compartades moito coa vosa xente querida. Para nós a música é todo, e poder compartila con vós é un regalo. Graciñas por estar aí. ☺️