Categoría: Do directo

Os días 3 e 4 de agosto vémonos en Cedeira!!!

Os Discalzos naceron dunha xuntanza de grupos de Cedeira para unha homenaxe. Os medios eran escasos: unha carpa, material prestado, grupos con ganas de tocar e moita vontade e ilusión. Pouquiño a pouco foron medrando grazas ao seu tesón e á colaboración da xente e institucións. En moi pouco tempo conseguiron armar un festival e cada vez están máis preto de conseguir o seu obxectivo, afianzarse como un dos festivais importantes de Galicia, cun cartel variado e sen prexuizos musicais.

Este ano, un pasiño máis!

O próximo 17 de outubro na Praza de San Marcial, a partir das 21:30 participaremos nun espectáculo único. Unha jam session de danza oriental e música en directo!

Acompañarannos na música O Sonoro Maxín, El Patio e The Phantom Dragsters. Da danza encargaránse Nuria Gallego, Meigas Tribal, Feitizo Tribal e Eva Domínguez.

Estade atentos que a cousa promete!!

O próximo 26 de xullo teremos a honra de participar no Festival Galaicofolia, en Esposende, Portugal. Celebraremos coa nosa música o pasado común que nos uniu coas xentes máis alá do río Miño. Se estades pola zona non volo podedes perder. Festa, música, historia, praias!!!

Por fin!! Como sempre dicimos, a visita ó Con do Moucho é un dos mellores momentos do ano para Guezos. Caímos alí hai anos, case por casualidade; quedamos prendados do lugar e sobre todo da xente. Sentímonos en familia, entre amigos, queridos e moi pero que moi ben tratados. No Con do Moucho sabemos cando e como comezamos, pero nunca cando e como rematamos!!!
Levamos con nós o noso novo EP “Un longo camiño”, unha edición limitada con 4 temas, 1 videoclip, fotografías/postais da nosa historia, chapa e quizais algunha sorpresa máis. É a nosa forma de celebrar o noso 15 aniversario.
Vémonos o sábado!!