Para os que aínda non vos enterastes, o día 18 de xaneiro comezou a emisión do programa Enrede, do que xa falaramos neste blog. Podedes ver o trailer na anterior entrada.
Ben, pois este mércores día 25 tócalle o turno a Guezos. Trinta minutos de programa na que poderemos ver unha entrevista á banda e recordaremos o directo gravado no Café Cultural Auriense. Tomade nota: o próximo mércores 25 de xaneiro ás 23:30 h. Guezos en Enrede na TVG2.
Ata entón!
O día 10 de xuño, paramos no Auriense para dar un concerto que foi gravado para o programa Enrede, cousa que puideron comprobar todos os asistentes que se tiveron que acomodar entre a grúa e as cámaras que ocupaban o local. Na primeira tempada deste programa que se estreará despois do verán, participarán 13 grupos galegos. Aquí tedes o trailer do que será Enrede.
Enrede Trailer de Casa de Tolos en Vimeo.
Con motivo da publicación do noso “O Histérico Latexo” e a súa presentación no Teatro Principal, voamos ata o Planeta Furancho para facerlle unha visita a Vituco. Se non puidestes escoitar a parola en directo, aquí vola deixamos (A entrevista comeza no minuto 23:55).
Agardámovos mañá no Teatro, queremos que veñades todos. Ata mañaaa!!!
O día 1 de abril, con motivo da nosa visita á Illa de Arousa, fixéronnos unhas preguntiñas para La Voz de Galicia. Para saber un pouquiño máis de nós, botádelle un ollo á entrevista completa a David Quintas.
Remata maio e a Xira Dez Primaveras chega ao seu fin. E non podía acabar sen pasar por Ourense. E é que en nengún sitio como na casa! Por iso queremos celebralo ao grande.
Xa está todo a punto para que comece a festa… Acompañarannos na noitiña os Perqutores para entrar en calor, e por se iso non é dabondo, podedes tamén achegarvos á barra a por un pouco do licor café e bica que se servirán de balde (ata fin de existencias, larpeiros!).
Se o tempo acompaña, vémonos esta noite ás 22:30 na Praza de San Marcial (onde o Grándola). Ata loguiño!