Comezou a xira Oito Destinos e xa non hai volta atrás!
Arrancou onte en Santiago de Compostela e aproveitamos a viaxe para pasarnos pola Radio Galega e parolar un pouco con Vituco Neira do novo disco e de moitas cousas máis.
Apurade mentres aínda estea dispoñible para escoitar a Guezos en Aberto por Reformas.

Coa chegada da primavera os bechos saen dos seus agochos e Guezos, que non é menos, sae tamén a ver ese sol que se empolicou aí arriba. Pasamos o inverno na escuridade da tobeira, fóisenos o frío entre composición, gravación e ensaio e agora que saímos ó mundo dámonos conta de que o que temos é moita fame, fame de directo, de xente e de troula!

Esta mesma fin de semana damos comezo á Xira de presentación do noso último disco Oito Destinos cos concertos en Santiago de Compostela e a Ramallosa (Nigrán).

Xa podedes consultar todas as datas previstas para os dous próximos meses. Agora non tedes escusa para non achegarvos a compartir unha noite con nós no local da esquina.

Xa vos podemos adiantar que o novo disco de Guezos “Oito Destinos” vai camiño da fábrica. Esperamos que para finais deste mes ou comezos de abril esté xa dispoñible para todos vós. Desde aquí anunciaremos todas as novas relacionadas co tema.

De momento, coma adianto, deixámosvos o título das cancións que figuran no disco:

• Guezada
• A Esmorga
• Acción - Reacción
• Identidade
• Todo Perfecto
• Vals do Regueiro
• Amodo
• Terradentro (vers. 2009)

Acabamos de saír do estudio de gravación e xa voltamos ós escearios.

Desta vez, e de xeito especial, faremos un concerto curto en duración pero seguro que moi intenso.

Estaremos apoiando a causa de GALIZA NON SE VENDE, plataforma que trata de defender os ecosistemas litorais de Galicia, entre outras moitas actuacións de carácter ecoloxista. É interesante que lle botedes unha ollada á páxina deste colectivo.

Por outra banda, hoxe, preto das 7 e media, na cadea SER de Ourense, o noso compañeiro e amigo Ico (O Sonoro Maxín) entrevistará a un membro do grupo para comentar as novas que rodean a Guezos: novo disco, xira de presentación, etc.

Guezos: “Esta iniciativa está moi ben, sobre todo para os grupos que comezan”

10/11/2008

Os membros de Guezos falaron do “importante” que foi para eles participar na edición de Nsaio no Camiño, celebrada no 2007.

Lamentáronse de que aínda non exista ningún local na cidade de Ourense, máis aínda así recoñeceron “a importancia que este movemento está a ter, sobre todo para os grupos que comezan” na música.

Os membros de Guezos tamén se aventuraron a contribuír no crecemento de Nsaio, facendo unha recomendación baseada no seu caso particular. Así, reclamaron unha mellora dos medios “para que os grupos con moitos membros, coma nós, podan ensaiar ben”.

Outro aspecto que valoraron de forma positiva foi a posibilidade de promoción que estas iniciativas supoñen para os grupos.

Enlace ó vídeo.

E con esas caras de pícaros non pode ser nada bo…

Muuuuu!

Nesa teima nosa de querernos facer asquerosamente ricos para deixar dunha vez esta mala vida de músico que levamos demos en crear a nosa propia tenda virtual.

Aínda está na súa versión de proba, pero polo de agora parece que todo funciona ben. Entra e bótalle un ollo ós artigos que temos, que xa está aberta para todos vós a nosa Microtenda Virtual.

Gracias pola visita.

O día 1 de agosto pasaba Guezos polos micrófonos da Radio Galega dentro do programa de Xurxo Souto Aberto por Reformas. De aí saíu unha pequena entrevista que podes escoitar completa desde aquí.

¡Olliño, que comeza no minuto 14!

Mira que monos!

Aí os tes. Eles tampouco ían pasar sen unha das novas camisolas de Guezos.

Podes buscar no Zara, no Carrefur ou no rastro, pero estas só as vas atopar aquí. En dúas cores, tódalas tallas e modelos distintos para rapaz e rapaza. Moi sinxelas de usar, cun burato pra cada brazo e outro pra cabeza. Agora por só 10 €!

Á venda en “Planeta Perverso”. Praza das Damas nº2 (fronte ó Moruno), en Ourense.

Proximamente dispoñible tamén por correo na nosa microtenda virtual.

Seguro que algúns de vós xa sabedes de que vai isto, pois xa está na rúa “Nsaio, a música emerxente de Galiza”, onde se recollen temas dos 12 semifinalistas e finalistas da edición do 2007 do concurso Nsaio no camiño, entre eles o noso Manoliño.

E os que aínda non o cheirastes aínda estades a tempo de facervos con un dos moitos que se repartirán este verán nos máis grandes festivais de Galiza.