Camisolas á venda!!

Monos con camisolas

Mira que monos!

Aí os tes. Eles tampouco ían pasar sen unha das novas camisolas de Guezos.

Podes buscar no Zara, no Carrefur ou no rastro, pero estas só as vas atopar aquí. En dúas cores, tódalas tallas e modelos distintos para rapaz e rapaza. Moi sinxelas de usar, cun burato pra cada brazo e outro pra cabeza. Agora por só 10 €!

Á venda en «Planeta Perverso». Praza das Damas nº2 (fronte ó Moruno), en Ourense.

Proximamente dispoñible tamén por correo na nosa microtenda virtual.

Nsaio, a música emerxente de Galiza

Cd Nsaio, a música no CamiñoSeguro que algúns de vós xa sabedes de que vai isto, pois xa está na rúa «Nsaio, a música emerxente de Galiza», onde se recollen temas dos 12 semifinalistas e finalistas da edición do 2007 do concurso Nsaio no camiño, entre eles o noso Manoliño.

E os que aínda non o cheirastes aínda estades a tempo de facervos con un dos moitos que se repartirán este verán nos máis grandes festivais de Galiza.

Escóitanos!

Con Toño nos Estudios da Radio Galega¡Aquí están! «Identidade» e «Acción-Reacción» recén saídos dos Estudios da Radio Galega, coidadiño que aínda queiman!

Escoitádeo aquí e agora mesmo, e sabede que se aínda queredes máis desde hoxe tedes aberta unha nova sección de descargas onde podedes escoitar dous temas máis e baixalos cando queirades.

[audio:http://www.guezos.com/identidade.mp3] [audio:http://www.guezos.com/acción-reacción.mp3]

Nova sección: «Concertos»

Xa vos dixera que pouco a pouco iriamos engadindo novas seccións á páxina. Pois aí tedes, xusto onde vos sinala o Morta, para que non vos perdades nin un!!!

Entrade na sección Concertos para enteirarvos de tódolos detalles dese bolo ó que queres ir: horario, entrada, organización, outros grupos, e todo o que faga falta para que vaiades ben preparados. E por suposto tamén aquí tedes voz, deixade os vosos comentarios, dudas, etc. en cada un dos concertos.

E polo de agora, como ben dixo Fran, «animarvos a todos a que veñades aos próximos concertos, que son XA!!!!
Os que xa coñecedes a GUEZOS poderedes escoitar novos temas e nova posta en escea e os que aínda non nos coñecedes tedes unha boa oportunidade agora… Aceptamos críticas, suxerencias, opinións, todo co fin de mellorar…
Bueno, se facemos algo ben tamén o podedes dicir ,eh!!

Temos moitas ganas de arrincar e empezar esta nova etapa.
Biquiños para tod@s!
«