Autor: Guezos

Xa temos aquí o noso novo videoclip «Quixera»!!!

Quixémonos arrodear das nenas e nenos do CEIP de Cortegada, que simbolizan o futuro da nosa educación e da nosa sociedade. «Quixera» é tamén un canto á natureza, ao rural e ao desexo de ver vilas e aldeas poboadas e cheas de vida e futuro.

Infinitas grazas aos alumnos, nais, pais, mestres e xentes de Cortegada que participaron neste proxecto.
Grazas ao concello e deputación tamén pola colaboración. E, sobre todo, grazas a Anxo Fernández por crer e por seguir sendo un soñador.
Por suposto, grazas tamén á parte técnica polo seu compromiso e profesionalidade:
Son gravado e mesturado en Xílgaro Estudio, por David Quintas.
Masterizado por Dr. Chou
Realización videoclip: Aitor V, César Soberbio e GMG Audiovisual.

Boas! Temos novidades!! Pronto poderedes ver un novo videoclip dun tema inédito «Quixera» que nos fai especial ilusión, xa que contamos coa colaboración do CEIP de Cortegada e das súas alumnas e alumnos. Aproveitamos ademais a ocasión para comentarvos que este verán comezaremos a rodar en directo os nosos novos temas, nos que estivemos traballando este inverno, coa intención de gravalos a comezos do 2018 e sacar novo disco; o primeiro co noso novo guitarrista.
Asimesmo, queremos aclarar un tema que xerou certa confusión. O disco XV aniversario «Un longo camiño» subímolo recentemente ás plataformas dixitais, mais foi gravado xa hai un par de anos. Moitos seguidoros pensaron que era novo material. Sentimos o mal entendido. Haberá que esperar a 2018!!!
Se todo vai ben, en xuño estreamos este novo videoclip.
Vémonos nas festas!!!

Somos folk, somos rock, somos melodía, somos enerxía, somos festa… somos Guezos!

Aberta a contratación verán 2017.