Motor

Chegou o día. Aquí o tedes, Motor!

Queremos agradecer ao equipo formado por Lois Cid, Aitor Víctor, Ana Gil e a Luis Pequeno pola súa entrega e a todos os veciños do Concello de A Peroxa pola súa axuda. Por suposto tamén a Pauliña e Iseo Agilda por seren tan xenerosas e dicir que si dende o minuto 1. E a David Quintas e Dr. Chou por facer de “Motor” un pepinazo! Vémonos nos torreiros!

🏆 Faíscas, mellor videoclip da XX edición do Festival de Cans

“O xurado decidiu outorgar por unanimidade o premio ao mellor videoclip desta XX edición do Festival de Cans a Aitor Víctor por Faíscas, de Guezos, polo destacado do seu simbolismo, a forza cinematográfica das imaxes e a súa coherencia co son”

Que mellor día que o día das Letras Galegas para comunicarvos que o noso videoclip Faíscas resultou gañador na XX edición do Festival de Cans. Fainos inmensamente felices, non só por nós, senon por todo o grupo humano co que estamos a traballar nestes últimos tempos, que lle pon paixón, ilusión e profesionalidade a tódolos nosos proxectos e ideas delirantes, non só cando as cousas veñen ben dadas, que sería o doado, senón tamén nos malos momentos; cando as cousas se complican ese entusiasmo medra, as ideas flúen e sempre atopan solucións aínda máis creativas.
Guezos leva moitos anos nisto, con humildade, aprendendo de todo e de todos, intentando facer cousas pequenas, bonitas, con cariño e ao noso xeito, con algún acerto e, de seguro, moitos erros, pero con corazón.
Agradécese, despois de tantos anos, que o noso traballo sexa valorado, nesta ocasión, compartido con este equipo marabilloso que nos fai mellores, sen dúbida.
Mil grazas a Aitor, Ana, Lois, Alberto, etc,etc
Feliz día das Letras Galegas!

“Faíscas” nominado a mellor Videoclip no Festival de Cans

Como moitos sabedes estamos en plena produción do videoclip “Motor”, pero non por iso nos olvidamos do noso querido “Faíscas” que nos leva dado tantas alegrías.

Por primeira vez estaremos na sección oficial do Festival de Cans cun videoclip!! Estamos moi, moi contentos!!

O 16 de maio enviaremos a nosa delegación a pasalo xenial ao festival: Alberto Medeiros, Emilio Dominguez, Aitor Uve, Lois Cid e Ana Gil.